תהילים פרק קיט – אות ת 

קסט  תִּקְרַב רִנָּתִי לְפָנֶיךָ יְהוָה;  כִּדְבָרְךָ הֲבִינֵנִי.

קע  תָּבוֹא תְחִנָּתִי לְפָנֶיךָ; כְּאִמְרָתְךָ, הַצִּילֵנִי.

קעא  תַּבַּעְנָה שְׂפָתַי תְּהִלָּה: כִּי תְלַמְּדֵנִי חֻקֶּיךָ.

קעב  תַּעַן לְשׁוֹנִי, אִמְרָתֶךָ: כִּי כָל־מִצְוֺתֶיךָ צֶּדֶק.

קעג  תְּהִי־יָדְךָ לְעָזְרֵנִי: כִּי פִקּוּדֶיךָ בָחָרְתִּי.

קעד  תָּאַבְתִּי לִישׁוּעָתְךָ יְהוָה; וְתוֹרָתְךָ, שַׁעֲשֻׁעָי.

קעה  תְּחִי־נַפְשִׁי, וּתְהַלְלֶךָּ; וּמִשְׁפָּטֶךָ יַעְזְרֻנִי.

קעו  תָּעִיתִי כְּשֶׂה אֹבֵד, בַּקֵּשׁ עַבְדֶּךָ:

כִּי מִצְוֺתֶיךָ, לֹא שָׁכָחְתִּי.